تحكي بي لعذالك

تــرانــي كنـت مــتوقـــع تصـــدق هـــرج خلـــق اللـــه
ولكــن مـا توقعتــــك تسولـــف بـي لعذالــــك!!

تـبي تنسـاني ؟ / إنسـاني/.. فـداك اللـي مضــى كلــه
يجــوز أحــيا مــن فراقــك مدامــي ميِــت بوصالـك !!

تــرى ما يجحــد الواقــع سـوى خــلٍ نســـى خلـــه
مـثل مـا تجحــد عيونـــي حنيـــنٍ حيـــل يظمــا لـكـ

مــع أنــي عـارف مـا أحــدٍ يـــداوي غيـــرك العلــــه
أســج بحالــي لحالــي لجــل مـــا ينبــري حالـك!!

وأكابــر مــن خطــا نفســي وأزيـــد الجــــرح و أبلــــه
وأتحــاول فــي عبـــث مضحــك أدور غيــر همالـك

حبيبـــي حتــى لــو زولــي مــن غيـابــك فقـــد ظلـــه
كفايـــة شمســك اليــا اليــوم تنســـج حولــي ظـلالـك

تبينـــي / اعتــذر .،؟ (آســـــف )، لكــن وش هـــي الزلــــه ؟؟
تبينـــــي أجرحــك؟ حاضــر أنــا همــك وغربالـك

مــــدام أنــي سبــــب دمـــــع حزيــــن ناظــــرك هلــــه
فعســـانـي يـا بعـــد عينـــي اجـــل ما اطــري علــى بالــك !!

وإذا قالــوا لــك إن قلــبي مــن فراقـك نـــزف غلــه
قــل إن: مــابـه بـلا ! عســـى درب السعــد فالـــك

وأنـــا واللــه وثـــم واللــه وثـــم واللــه وثــــم واللــه
لا سوي ما تبي من شان بـس تحقـق آمالـك

ولكــن قبـــل ما تبعــد وتنســـى مـــا مضـــى كلــــه
أمـانــه بــس عـلمــني وش اللـــي غيــــر أحوالــــك!